Bill Gates yisubije umwanya wa mbere ku isi mu Baherwe nyuma y’umunsi umwe awukuweho | eachamps rwanda
Airtel ad Eachamps

Bill Gates yisubije umwanya wa mbere ku isi mu Baherwe nyuma y’umunsi umwe awukuweho

Bill Gates yisubije umwanya wa mbere ku isi mu Baherwe nyuma y’umunsi umwe awukuweho

Umuherwe ,Bill Gates yisubije umwanya wa mbere mu batunze amafaranga menshi ku isi , uyu mwanya ejo yari yawukuweho n’undi muherwe witwa Jeff  Bezos washinze kompanyi ya Amazon Inc.

Mu gitondo cyo ku wa kane tariki ya 27 nyakanga 2017 , nibwo ibitangazamakuru bitandukanye ku isi byanditse inkuru ivuga ko Jeff Bezos yakuye Bill Gate ku mwanya wa mbere mu baherwe.

Imitungo ya Jeff Bezos yari yazamutse igera kuri miliyali $91.4 arusha Bill Gates miliyoni $700 kuko we iye yanganaga na miliyali $90.7 gusa ibi byaje kongera guhinduka.

Mu ibarura ry’imitungo y’aba baherwe ryakozwe nyuma y’amasaha macye Jeff Bezos afashe umwanya wa mbere , Bill Gates yongeye kumwigaranzura bitewe n’uko agaciro k’imigabane ya Amazon kagabanyutse bituma imitungo ya Jeff Bezos igabanukaho miliyari $2.5.

Bill Gates wisubije umwanya wa mbere ku rutonde rw’abafite agatubutse ku isi yagiye kuri uru rutonde bwa mbere mu 1995 , nyuma yaho yaje kuwukurwaho yongera kuwisubiza muri 2013 , yari amaze imyaka ine yikurikiranya akiyoboye ejo nibwo yakuwe kuri uyu mwanya nyuma amasaha macye   ahita yongera arawisubiza.

Uko abaherwe 10 bambere ku isi bakurikiranye

1. Bill Gates , atunze miliyali $90

2. Jeff Bezos , atunze miliyali $88.5

3. Amancio Ortega , atunze miliyali $82.7

4. Warren Buffet,atunze miliyali $74.5

5. Mark Zuckerberg ,atunze miliyali $56

6. Carlos Slim ,atunze miliyali $54.4

7. Larry Ellison,atunze miliyali $52

8. Charles Koch,atunze miliyali $48

9. David Koch,atunze miliyali $48

10. Michael Bloomberg: $47.5 Billion

Bill Gates yisubije umwanya wa mbere mu Baherwe

Jeff Bezos wakuwe ku mwanya wa mbere nyuma y'amasaha macye awugiyeho , birashoboka ko yakwisubiza umwanya wa mbere mu gihe agaciro k'imigabane ya Amazon kakongera kuzamuka ku isoko.

Tags

28/Jul/ 2017,1 month ago |

Post Your Comment

Comments(0)
Sponsored Content