Breaking News: Areruya Joseph ku isonga mu bakinnyi beza b'Amagare muri Afurika | eachamps rwanda
Airtel ad Eachamps

Breaking News: Areruya Joseph ku isonga mu bakinnyi beza b'Amagare muri Afurika

Breaking News: Areruya Joseph ku isonga mu bakinnyi beza b'Amagare muri Afurika

Umukinnyi w’umunyarwanda ukinira ikipe ya Dimension Data for Qubeka yo muri Afurika y’Epfo ubu niwe mukinnyi wa mbere muri Afurika muri uyu mwaka wa 2018 n’amanota 404 umwanya asimbuyeho umunyafurika y’epfo Louis Meintjes wasoje umwaka wa 2017 ari uwa mbere n’ubundi akurikiwe na Areruya Joseph.

Uyu musore wegukanye irushanwa rya Tour du Rwanda 2017, yahiriwe n’intangiriro za 2018 dore ko amaze kwegukanamo amarushanwa 2 kandi akomeye harimo La Tropicala Amissa Bongo yegukanye muri Mutarama 2018 na Tour de l’Espoir yegukanye mu ntangiriro za Gashyantare 2018.

Urutonde rw’ishyirahamwe ry’umukino wo gusiganwa ku isi mu magare ‘UCI’ rwasohotse kuri uyu wa Kabiri rwagaragaje ko Areruya Joseph ari we mukinnyi wa mbere muri Afurika muri uyu mwaka wa 2018 aho afite amanota 404, akurikiwe na Abraham Meron , umunya- Eritrea ukinira ikipe ya Bike Aid yo mu Budage ufite amanota 336 umwaka wa 2017 ukaba warangiye ari ku mwanya wa 10.

Uwa gatatu akaba yabaye umunya- Afurika y’Epfo SMIT Willem Jakobus ukinira ikipe ya Team Katusha Alpecin n’amanota 293. Uyu we umwaka wa 2017 warangiye ari ku mwanya wa 6.

Uwa kane yabaye umunya - Eritrea Meron Teshome n'amanota 247 akaba umwaka ushize yarawurangije ku mwanya wa 7.

Uwa gatanu akaba yabaye umunya Maroc GALDOUNE Ahmed Amine n'amanota 168.

Mu makipe y'ibihugu u Rwamda rwafashe umwanya wa 3 n'amanota 934 inyuma ya Afurika y'Epfo ya kabiri n'amanota 1063 mu gihe Eritrea ariyo iyoboye n'amanota 1499.

Ibi bibaye mu gihe n’ubundi Areruya Joseph na Team Rwanda barimo kwitegura shampiyona y’Afurika izabera mu Rwanda guhera ku munsi w’ejo tariki ya 14 Gashyantare kugeza 18 Gashyantare 2018.

13/Feb/ 2018,1 week ago |

Post Your Comment

Comments(0)
Sponsored Content