Bimwe wamenya kuri Costa do Sol izakina na Rayon Sports muri CAF Confederation Cup | eachamps rwanda
Airtel ad Eachamps

Bimwe wamenya kuri Costa do Sol izakina na Rayon Sports muri CAF Confederation Cup

Bimwe wamenya kuri Costa do Sol izakina na Rayon Sports muri CAF Confederation Cup

Clube de Desportos da Costa do Sol izwi nka CD Costa do Sol cyangwa se Costa do Sol, ni kipe y’umupira w’amaguru yo muri Mozambique iherereye mu murwa mukuru w’iki gihugu Maputo ikaba ari yo kipe izwi muri Mozambique ikina nk’iyabigizwe umwuga.

Iyi kipe ikina muri shampiyona y’icyiciro cya mbere muri Mozambique yitwa Moҫambola,   yarashinzwe  tariki ya 15 Ukwakira 1955, yatwaye igikombe cyayo cya mbere cya  shampiyona mu 1979, kuva iki gihugu cyabona ubwigenge mu 1975 niyo kipe ifite ibikombe byinshi.

Iyi kipe yashinzwe mu 1955 yitwa Sport Lourenҫo Marques e Benfica, umwaka w’imikino w’1976 iyi kipe yaje guhabwa izina rishya yitwa Sport Maputo e Benfica. Mu 1978 nibwo yaje gufata izina yitwa ubu rya Desportos Costa do Sol.

Icyatumye ifata iri zina rya Costa do Sol ni uko yari maze kubaka ikibuga cyayo(stade) cyitwa  Estádio do Costa do Sol giherereye mu metero 500  uvuye ku mwaro wa Costa dp Sol w’i Maputo(Costa do Sol beach in Maputo). Iki kibuga cyakira abantu ibihumbi 10 kuba cyari cyegereye uyu mwaro nicyo cyatumye iyi kipe ihitamo kwitiranwa nacyo.

Iki nicyo kibga iyi kipe ikiniraho

Uyu mwaro wegeranye n'ikibuga cyayo niwo watumye ifata izina rya Costa do Sol

Costa do Sol niyo kipe ifite abafana benshi muri Mozambique, ikaba ikunzwe cyane n’abatuye umujyi wa Maputo. Perezida w’iyi kipe yitwa  Amosse Chicualacuala akaba ari umunya – Mozambique, kugeza ubu ikaba itoza n’umunya Argentine, Leonardo Costas.

Iyi kipe iyo iri mu rugo yambara ibara ry’umuhondo n’ubururu. Iyo yasohotse ikaba yambara imyenda y’ikigina n’umweru.

Iyo niyo myenda yambara, uburu n'umuhondo iyo ikinira mu rugo ndetse n'umweru n'ikigina iyo yasohotse

Ibikombe yegukanye muri Mozambique

Iyi kipe kuva yshingwa imaze kwigukana ibikombe 9 bya shampiyona(Moҫamola): 1979, 1980, 1991, 1992, 1993,1994,1999/2000, 2001, 2007

Ikaba kandi imaze kwegukana igikombe cy’igihugu cyizwi nka Taça de Moçambique inshuro 12: 1980, 1983, 1988, 1992, 1993, 1995, 1997, 1999, 2000, 2002, 2007, 2017.

Costa do Sol ifite ibikombe 7 bya Super Cup: 1993, 1994, 2000, 2001, 2003, 2008, 2018. Ikiba ifite ibikombe 5 by’intara ya Maputo(Campeonato Provincial de Maputo): 1979, 1980, 1983, 1991, 1997.

Uko yitwaye mu mikinyo nyafurka

 Imaze kwitabira imikino ya CAF Champions League inshuro 5; 1999 ikaba yaragarukiye mu ijonjora rya mbere, 2001 nabwo yaviriyemo mu ijonjora rya mbere, 2002 yageze mu mikino y’amatsinda, 2008 yaviriyemo mu ijonjora ry’ibanze naho 2009 iviramo mu ijonjora rya mbere.

Mbere y’uko iki gikombe kitwa CAF Champions league cyitwaga African Cup of Champions Clubs ikaba yari yaracyitabiriye inshuro 6; 1980 yaviriyemo mu ijonjora rya mbere, 1981 yaviriyemo mu ijonjora rya 2, 1992 nabwo yageze mu ijonjora rya 2, 1993 nabwo yageze mu ijonjora rya 2, 1994 yaviriyemo mu ijonjoraya 4 ni mu gihe 1995 yaviriyemo mu ijonjora rya mbere.

Iyi kipe kandi  yitabiriye n'irushanwa rya CAF confederations Cup, aho mbere y’uko rihinduka CAF Confederations Cup ryitwaga CAF Cup Winner’s Cup, yaryitabiriye inshura 6; 1984 na 2003 yaviriyemo mu ijonjora mbere, 1989 yaviriyemo mu ijonjora rya 2. 1996 na 1998 yageze muri ¼ cy’iri rushanwa.

Kuva ribaye CAF Confederations Cup yaryitabiriye inshuro imwe muri 2010 aho yaviriyemo mu ijonjora rya mbere. N’uyu mwaka ikaba yararyitabiriye aho yarenze ijonjora ry’ibanze ndetse n’irya mbere ikaba mu mu ijonjora rya kabiri izakina na Rayon Sports yo mu Rwanda.

22/Mar/ 2018,6 months ago |

Post Your Comment

Comments(0)
Sponsored Content
Loading...