UEFA CL 1/2: Bayern Munich itomboye Real Madrid, Liverpool yerekeza mu Butaliyani | eachamps rwanda
Airtel ad Eachamps

UEFA CL 1/2: Bayern Munich itomboye Real Madrid, Liverpool yerekeza mu Butaliyani

UEFA CL 1/2: Bayern Munich itomboye Real Madrid, Liverpool yerekeza  mu Butaliyani

Tombora y’uko amakipe agomba guhura muri ½ cy’igikombe gihuza amakipe yabaye aya mbere ku mugabane w’Uburayi ‘UEFA Champions League’ isize ikipe ya Real Madrid itomboye ikipe ya Bayern Munich ni mu gihe AS Roma igomba gucakirana Liverpool.

Ku isaha ya saa 11:00’ ku isaha ngenga masaha ya GMT bikaba saa 13:00’ za hano mu Rwanda i Nyon muri Switzerland ni bwo tombora y’uko amakipe azahura muri ½ cy’iri rushanwa yabaye.

Amakipe ane ni yo yageze muri iki cyiciro, Real Madrid yasezereye Juventus, Liverpool isezerera Manchester City, Bayern Munich isezerera Seville ni mu gihe AS Roma yakoze amateka ikuramo FC Barcelona.

Tombora rero ikaba yasize ikipe ya Bayern Munich igomba kwakira ikipe ya Real Madrid ni mu gihe ikipe ya Liverpool ari yo izabanza kwakira AS Roma.

Imikino ibanza ikaba iteganyijwe ku itariki ya 24 na 25 Mata 2018 ni mu gihe imikino yo kwishyura izakinwa tariki ya 1 na 2 Gicurasi 2018. Umukino wa nyuma ukaba uzakinwa tariki ya 26 Gicurasi 2018

Muri tombora ya Europa League yari yabanje ikipe ya Arsenal yatomboye ikipe ya Ateltico Madrid yo mu Bwongereza, na ho Marseille itombora Salzburg.

Tags

13/Apr/ 2018,5 months ago |

Post Your Comment

Comments(1)
sam iradukunda
liver pool yanditse amateka naho real madrid ntakizere nayiha
Sponsored Content
Loading...