Volleyball: REG yageze ku mukino wa nyuma, APR na Gisigara zigomba gukina uwa kamarampaka | eachamps rwanda
Airtel ad Eachamps
Primus Eachamps Ad

Volleyball: REG yageze ku mukino wa nyuma, APR na Gisigara zigomba gukina uwa kamarampaka

Volleyball: REG yageze ku mukino wa nyuma, APR na Gisigara zigomba gukina uwa kamarampaka

Imikino ya kamarampaka ‘playoffs’ y’umunsi wa kabiri mu bagabo yasize ikipe ya REG VC ari yo igeze ku mukino wa nyuma ni mu gihe Gisagara na APR VC zigomba gukina undi mukino wo kuzikiranura hakaboneka ikipe igera ku mukino wa nyuma.

Amakipe 4 ni yo yari yabonye itike yo gukina imikino ya playoffs ikipe iyegukanye ni yo iba yegukanye igikombe cya shampiyona. Gisagara yari yabaye iya mbere n’amanota 44, REG 39, UTB 37 na APR 31 niyo makipe yabonye itike ya playoffs.

Aha kugira ngo ikipe igere ku mukino wa nyuma  ni uko igomba kuba yatsinze imikino 2.

Imikino y’umunsi wa mbere ikipe ya REG yari yatsinze APR amaseti 3 ku busa, ni mu gihe Gisagara yari yatsinze UTB amaseti 3kuri 1.

Ku mugoroba wo kuwa  Gatandatu tariki ya 12 Gicurasi hakinwaga imikino y’umunsi wa 2, umukino wabanje ni uwa REG na UTB waje kurangira ku ntsinzi ya REG y’amaseti 3 kuri 1 ya UTB.

UTB niyo yatsinze iseti ya mbere ku manota 25 kuri 22 ya REG. REG yaje kwishyura iyi seti ku manota 25kuri 20, itsinda iya 2 ku manota 25 kuri 18 ndetse itsinda n’iya 3 ku manota 25 kuri 20.

Umukino wakurikiiyeho ni uwa APR na Gisigara, kuko Gisagara yari yaratsinze umukino ubanza yaribizi neza ko kuwutsinda ari uguhita igera ku mukino wa nyuma. APR na yo yari izi ko kuwutsindwa ari ugutaha ariko yawutsinda hakazakinwa uundi mukino.

Bigoranye ikipe ya APR yaje gutsinda uyu mukino nyuma y’uko banganyije amaseti 2-2 hakitabazwa iseti nkemurampaka APR ikayitwara ku manota 15 ku 10.

Gisagara niyo yatwaye iseti ya mbere itsinze APR amanota 25 kuri 23, APR  yatwaye iyakurikiyeho ku manota 25 kuri 21, Gisagara na yo itwara ikurikiyeho ku manota 25 kuri 21, iseti ya 4 APR yayegukanye ku manota 25 kuri 17. Amakipe yombi yahise anganya amaseti 2 maze hitabazwa iseti ya nyuma nkemurampaka y’amanota 15 maze APR  iyegukana ku manota 15 ku 10 ya REG.

Ibi bikaba byari bivuze ko ari APR na Gisagara zose zitsinze umukino umwe muri playoffs kandi ikipe igomba kugera ku mukino wa nyuma igomba kuba yaratsinze imikino 2, aya makipe yombi akaba azakina undi mukino kuwa Gatandatu tariki ya 19 Gicurasi 2018 I Gisagara maze ikipe iwutsinze ikaba ari yo izahura na REG ku mukino wa nyuma.

Umukino wa REG na UTB wari uryoheye ijisho

Abasore ba UTB bazamutse gukora bloque

Ntibyari byoroshye

APR na Gisagara byo byari ibicika

Mukunzi Christophe agerageza gutera ikiro abasore ba APR

13/May/ 2018,2 months ago |

Post Your Comment

Comments(0)
Sponsored Content