Volleyball: Gisagara na REG ziracakira mu mukino wa mbere wa finali ya playoffs | eachamps rwanda
Airtel ad Eachamps

Volleyball: Gisagara na REG ziracakira mu mukino wa mbere wa finali ya playoffs

Volleyball: Gisagara na REG ziracakira mu mukino wa mbere wa finali ya playoffs

Mu mpera z’iki cyumweru tariki ya 26 Gicurasi 2018 haratangira imikino ya nyuma ‘final’ y’igikombe cya playoffs mu bagabo aho ikipe ya Gisagara mu mukino wa mbere izakira REG ni mu gihe mu bagore bo bazaba bakina umunsi wa kabiri wa playoffs.

Ikipe ya REG yageze ku mukino wa nyuma isezereye ikipe ya UTB ni mu gihe ikipe ya Gisagara yo yasezereye ikipe ya APR muri ½.

Kugira ngo ikipe yegukane iki gikombe cya playoffs(ari na cyo cya shampiyona) ni uko muri aya makipe uko ari 2 yageze ku mukino wa nyuma imwe igomba gutsinda indi imikino 2.

Imikino ya ya nyuma izatangira ikipe ya Gisagara yakira REG I Gisagara tariki ya 26 Gicurasi 2018,  ikipe izatsinda uyu mukino ntibizaba bivuze ko itwaye igikombe ahubwo hazakinwa undi mukino ubere I Kigali aho ikipe yatsinze uwa mbere niwutsinda izahita itwara igikombe ariko niwutakaza hazabaho undi mukino wa 3 wa kamarampaka kuko ikipe igomba kwegukana igikombe igomba gutsinda imikino 2.

Kuri izi tariki kandi ubwo REG na Gisagara zizaba zesurana, I Kagli na ho bizaba ari ibicika hagati ya APR na UTB zo zizaba zihatanira umwanya wa 3 guhera ku isaha ya saa 16:00’ muri petit stade. Hano naho ikipe igomba kwegukana umwanya wa 3 igomba na yo gutsinda imikino 2.

Mu bagore na bo hazaba hakinwa umunsi wa kabiri, aho ikipe ya KVC izakira RRA guhera ku isaha ya saa 14:00’ muri petit stade, ni mu gihe ku isaha ya saa 15:00’ I Ruhango, Ruhango izaba yakiriye APR.

Twabibutsa ko umunsi wa mbere mu bagore APR WVC yatsinze Ruhango WVC amaseti 3 ku busa ni mu gihe RRA WVC na yo yari yari yatsinze KVC WVC amaseti 3 ku busa.

Mu gihe uyu munsi wa kabiri mu bagore warangira hari amakipe atsindanye umukino umwe kuri umwe na bwo hazakinwa umukina wa 3 wa kamarampaka.

23/May/ 2018,4 months ago |

Post Your Comment

Comments(0)
Sponsored Content
Loading...