Haruna Niyonzima na Simba SC mu nzira zo kwerekeza mu Butaliyani | eachamps rwanda
Airtel ad Eachamps

Haruna Niyonzima na Simba SC mu nzira zo kwerekeza mu Butaliyani

Haruna Niyonzima na Simba SC mu nzira zo kwerekeza mu Butaliyani

Ubuyobozi bw'ikipe ya Simba SC bwamaze gushyiriraho intego ikipe ya Simba SC ko niramuka itwaye igikombe cya Sports Pesa Super Cup kirimo kubera muri Kenya izajya gukorera umwiherero wo kwitegura shampiyona umwaka w'imikino wa 2018/2019 ku mu gabane w'u Burayi mu Butaliyani.

Igikombe cya Sports Pesa Super Cup kirimo kubera muri Kenya cyahuje amakipe agera ku 8 aterwa inkunga na Sports Pesa (Kenya na Tanzania)aho ikipe izacyegukana izabona itike yo kuzajya gukina na Everton yo mu Bwongereza na yo iterwa inkunga na Sports Pesa.

Ikipe ya Simba SC ikaba yarageze ku mukino wa nyuma isezereye muri 1/2 ikipe ya Home Boys yo muri Kenya. Ku mukino wa nyuma uteganyijwe ku munsi w'ejo Simba SC izahura na Gor Mahia yo muri Kenya yo yahageze isezereye Singida United yo muri Tanzania muri 1/2.

Nk'uko ikinyamakuru Saleh Jembe cyo muri Tanzania kibitangaza ni uko ubuyobozi bwa Simba SC bwamaze gushyiriraho intego Haruna Niyonzima na bagenzi be bakinana muri Simba SC ko nibegukana iki gikombe uretse kujya gukina na Everton bazajya gukorera umwiherero wo kwitegura shampiyona umwaka w'imikino wa 2018/2019 mu Butaliyani.

Iyi mikino ya Sports Pesa Super Cup yatangiye kubera muri Kenya kuva tariki ya 3 Kamena 2018 ikaba izasozwa ku munsi w'ejo ku Cyumweru tariki ya 10 Kamena 2018 ubwo hazaba hakinwa umukino wa nyuma hagati ya Gor Mahia na Simba SC ya Haruna Niyonzima itozwa by'agateganyo n'umurundi wahoze utoza Rayon Sports, Irambona Masudi Djuma. Ni umukino uzabera mu mujyi wa Nakuru kuri Uwanja wa Afraha.

09/Jun/ 2018,4 months ago |

Post Your Comment

Comments(0)
Sponsored Content
Loading...