Volleyball: GMT2018 mu bagabo igikombe gisigaye mu Rwanda, mu bagore kerekeza muri Uganda | eachamps rwanda
Airtel ad Eachamps
Primus Eachamps Ad

Volleyball: GMT2018 mu bagabo igikombe gisigaye mu Rwanda, mu bagore kerekeza muri Uganda

Volleyball: GMT2018 mu bagabo igikombe gisigaye mu Rwanda, mu bagore kerekeza muri Uganda

Imikino yo kwibuka Jenoside yakorewe Abatustsi mu 1994 yaberaga mu Rwanda yasojwe kuri iki Cyumweru tariki ya 10 Kamena 2018 aho mu bagabo igikombe cyegukanywe na Gisagara  yo mu Rwanda itsinze REG ku mukino wa nyuma, ni mu gihe mu bagore cyegukanywe na Nkumba University yo muri Uganda itsinze KCB yo muri Kenya.

Iri rushanwa ryabaye iminsi ibiri ryatangiye tariki ya 9 Kamena risozwa tariki ya 10 Kamena 2018, rikaba ryari ryitabitabiriwe n'amakipe 21 mu bagabo n'abagore.

Mu bagabo amakipe y'itabiriye yari 12 aho yari agabanyije mu matsinda 4.

Itsinda  A : APR VC (Rwanda), Kirehe VC (Rwanda)  na  Nemo Stars (Uganda)

Itsinda  B: REG VC (Rwanda), IPRC East (Rwanda)  na  Faru VC (Tanzania)

Itsinda  C: Sky (Uganda), Espoir VC (RDC) na Gisagara VC (Rwanda)

Itsinda D: UTB VC (Rwanda),  KAVC (Uganda) na KVC (Rwanda)

Muri buri tsinda hazamutsemo amakipe 2 ajya gukina 1/4, aho amakine 4 ari yo yabashije kugera muri 1/2 ari yo APR VC, Gisagara VC, REG VC na UTB VC.

Mu mikino ya 1/2 Gisagara yasezereye APR iyitsinze amaseti 3 ku busa ni mu gihe na REG yasezereye UTB iyitsinze amaseti 3-0.

Umukino wa nyuma ukaba warahuje Gisagara na REG, aho Gisagara yayitsinze amaseti 3-0 (25-23,25-19 na 27-25). Umwanya wa 3 wegukanywe na UTB itsinze APR.

Ni rushanwa ngarukamwaka ritegurwa n’ishyirahamwe ry’umukino wa Volleyball mu Rwanda 'FRVB' ku bufatanye na Minisiteri y’Umuco na Siporo 'MINISPOC' na Komite Olempike y’u Rwanda ku nkunga y’ Urwego rw’igihugu rushinzwe imiyoborere (RGB), Ikigo igishinzwe gukwirakwiza umurimo w’amashanyarazi (EUCL) ndetse n’Ikigega kihariye k’ingoboka (SGF).

Gisagara yegukanye irushanwa yatsindiye miliyoni y'mafaranga y'u Rwanda

Mu bagore ho hari hitabiriye amakipe agera ku icyenda agabanyije mu matsinda 2.

Itsinda A: APR VC (Rwanda), KAVC,  Espoir VC na  Nkumba (Uganda).

Itsinda B: RRA VC (Rwanda), IPRC Kigali (Rwanda), KCB (Kenya), Ruhango  na KVC (Rwanada)

Nkumba University yegukanye iki gikombe yageze ku mukino wa nyuma isezereye RRA muri 1/2 iyitsinze amaseti 3-2. Ni mu gihe KCB yo muri Kenya yari yasezereye APR yo mu Rwanda muri 1/2 nyuma yo kuyitsinda amaseti 3-0.

Umukino wa nyuma mu bagore ukaba wari wahuje Nkumba University yo muri Uganda ndetse na KCB yo muri Kenya, waje kurangira Nkumba ari yo yegukanye intsinzi itsinze KCB amaseti 3-1(23-25,25-15,25-22 na 25-19). Umwanya wa gatatu wegukanywe na RRA itsinze APR amaseti 3-1.

Ikipe   ya mbere yahawe igikombe na miliyoni 1, iya 2 ihabwa ibihumbi 600 naho iya 3 ihabwa ibihumbi 400(aha ni mu bagabo n'abagore).

Irushanwa ryo kwibuka  Jenoside yakorewe Abatutsi mu 1994, umwaka ushize ryari ryegukanwe n’ikipe ya APR VC mu bagabo no mu bagore.

Nkumba University mu bagore na yo yegukanye igikombe na miliyoni y'amafaranga y'u Rwanda

Mu bagabo REG yegukanye umwanya wa kabiri n'amafaranga ibimbi 600

UTB yabaye iya gatatu yahawe ibihumbi 400 by'amafaranga y'u Rwanda

Mu bagore Kenya Commercial Bank(KCB) niyo yabaye iya kabiri nyuma yo gutsindwa na Nkumba University

Rwanda Revenue Authority(RRA) niyo yabaye iya gatatu itsinze APR yari ifte igikombe cy'umwaka ushisze

11/Jun/ 2018,1 week ago |

Post Your Comment

Comments(0)
Sponsored Content