APR FC yatangaje ko itarabona ubutumire bwo muri CECAFA Kagame Cup 2018 | eachamps rwanda
Airtel ad Eachamps

APR FC yatangaje ko itarabona ubutumire bwo muri CECAFA Kagame Cup 2018

APR FC yatangaje ko itarabona ubutumire bwo  muri CECAFA Kagame Cup 2018

Ikipe ya APR FC iravuga ko itaramenyeswa n’Ishyirahamwe ry’Umupira w’Amaguru muri Afurika y’Uburasirazuba n'iyo Hagati (CECAFA) ko izitabira irushwanwa ya CECAFA Kagame Cup riteganyijwe kubera muri Tanzania mu mpera z’uku kwezi.

Ku mugoroba wo kuri uyu wa 19 Kamena 2018 nibwo hasohotse inkuru y’uko ikipe ya APR FC ndetse na Singida United zongerewe mu makipe azitabira imikino ya CECAFA Kagame Cup agasimbura Yanga Africans na St George zikuye muri iri rushanwa.

Biciye ku muvugizi w’iyi kipe ya APR FC, Kazungu Clever yavuze ko APR FC itaramenyeshwa ko izitabira iyi mikino ahubwo ubu bakaba bahugiye mu kwitegura umukino wa shampiyona bafitanye na Etincelles kuri uyu wa Kane.

Yagize ati ”Kugeza uyu munsi ntabwo CECAFA iramenyesha APR FC ku bijyanye no gutumirwa gukina imikino ya CECAFA Kagame Cup. APR FC ikomeje kwitegura Etincelles mu mukino wa shampiyona, imyitozo iraba saa 16:00’ i shyorongi.”

Ikipe ya APR FC na Singida United zikaba zahise zishyirwa mu itsinda rya C aho Yanga Africans na St George zari ziherereye kumwe na Simba SC yo muri Tanzania na Dakadaha yo muri Somalia

Iri rushanwa rya CECAFA Kgame Cup biteganyijwe ko rizatangira tariki ya 29 Kamena kugeza 13 Nyakanga 2018 mu gihugu cya Tanzania mu mujyi wa Dar es Salaam.

Ikipe ya APR FC ikaba yaherukaga muri iri rushanwa muri 2015 ubwo ryaherukaga kuba aho yaviriyemo muri ¼ itsinzwe na Khartoum yo muri Sudani, iri rushanwa n’ubundi ryabereye muri Tanzania rikaba yaraje kwegukanwa na Azam FC.

Amatsinda ya CECAFA Kagame Cup:

Itsinda A: Azam (Tanzania), JKU (Zanzibar), Kator (South Sudan), Vipers FC (Uganda)

Itsinda B: Rayon Sports (Rwanda), Gor Mahia (Kenya) Lydia Ludic (Burundi), Ports (Djibouti)

Itsinda C: APR FC (Rwanda), Simba SC (Tanzania), Singida (Tanzania), Dakadaha (Somalia)

Dore gahunda nshya y'imikino ya CECAFA

20/Jun/ 2018,3 months ago |

Post Your Comment

Comments(0)
Sponsored Content
Loading...