U Bufaransa bwageze muri 1/2 cy'igikombe cy'isi busezereye Uruguay, u Bubiligi butungura Brazil | eachamps rwanda
Airtel ad Eachamps

U Bufaransa bwageze muri 1/2 cy'igikombe cy'isi busezereye Uruguay, u Bubiligi butungura Brazil

U Bufaransa bwageze muri 1/2 cy'igikombe cy'isi busezereye Uruguay, u Bubiligi butungura Brazil

Imikino y'igikombe cy'Isi cya 2018 irimo kubera mu b'u Burusiya igeze muri 1/4 aho amakipe abiri yamaze gukatisha itike ya 1/2, u Bufaransa bwasesereye Uruguay ni mu gihe Brazil yatunguwe n'u Bubiligi bwayisezereye.

Kuri uyu wa Gatanu hari habaye imikino 2 ya 1/4 mu gikombe cy'Isi, aho habanje umukino wahuje Uruguay n'u Bufaransa warangiye ku ntsinzi y'u Bufaransa y'ibitego 2-0.

Igitego cya mbere cyatsinzwe na Raphael Varane n'umutwe kuri kufura yari itewe na Antoine Greizman, igitego cya kabiri cyatsinzwe Antoine Greizman ku ishoti yatereye inyuma y'urubuga rw'amahina.

Ku isaha ya 20:00' hari hatahiwe Brazil n'u Bubiligi, abantu benshi bakekaga ko iyi kipe ya Brazil iri buze kwikura imbere y'u Bubiligi ariko siko byagenze kuko baje gutsindwa ibitego 2-1.

Ibitego byose by'u Bubiligi byabonetse mu gice cya mbere aho ku munota wa 13 bari bamaze gufungura amazamu  ku gitego  Fernandinho yitsinze.

Igitego cya kabiri cyabonetse ku munota wa 31 gitsinzwe na Kevin De Brune nyuma y'umupira yari ahawe na Romero Lukaku. Brazil yakomeje gusatira ishaka kwishyura ariko igice cya mbere kirangira nta mpinduka zibaye.

Mu gice cya kabiri Brazil yagerageje gushaka uburyo yakwishyura ibitego yatsinzwe ariko abasore nka Neymar, Coutinho ntibyabahira, ku munota wa 76 nibwo Augusto wari winjiye mu kibuga asimbura Paulinho yatsindiye Brazil igitego cy'impozamarira. Umukino waje kurangira ari 2 by'u Bubiligi kuri 1 cya Brazil.

Andi makipe abiri azakomeza muri 1/2 azamenyekana ku munsi w'ejo aho Sweden izacakirana n'u Bwongereza naho Croatia igacikirana n'u Burusiya.

Muri 1/2 kandi u Bubiligi buzahura n'u Bufaransa ni mu gihe izizakomeza ejo nazo zizahura hagati yazo.

06/Jul/ 2018,2 months ago |

Post Your Comment

Comments(0)
Sponsored Content
Loading...