Masudi Djuma yizeye kwegukana igikombe cya CECAFA Kagame Cup | eachamps rwanda
Airtel ad Eachamps
Primus Eachamps Ad

Masudi Djuma yizeye kwegukana igikombe cya CECAFA Kagame Cup

Masudi Djuma yizeye kwegukana igikombe cya CECAFA Kagame Cup

Umutoza mukuru w'agateganyo wa Simba SC, Masudi Djuma avuga ko yizeye ko azasezerera ikipe ya AS Ports muri 1/4 cy'iri rushanwa ndetse agakomeza agahesha iyi kipe igikombe cye cya mbere ari umutoza mukuru wayo dore ko icya shampiyona yacyegukanye ari umutoza wungirije.

Kuva tariki ya 29 Kanema muri Tanzania harimo kubera irushanwa rya CECAFA Kagame Cup rizasozwa tariki 13 Nyakanaga 2018 aho ubu bageze muri 1/4.

Umutoza wa Simba SC Masudi Djuma wakiniye amakipe yo mu Rwanda, agatoza Rayon Sports akayihesha ibikombe, nyuma y'uko umufaransa bafatanyaga gutoza iyi kipe agiye niwe wahise uyifata nk'umutoza mukuru, muri iri rushanwa rya CECAFA Kagame Cup akaba yarabashije kurenga amatsinda.

Yatangarije itangazamakuru ko ikintu cya mbere kimuraje ishinga ari umukino wa 1/4 agomba gukina na AS Ports yo muri Djibouti yizeye ko azawutinda ndetse agakomeza akagera ku mukino wa nyuma akegukana ni gikombe kuko niwo muhigo yihaye.

Imikino ya 1/4 izakinwa ku munsi w'ejo Simba SC ikina na AS Ports, Gor Mahia ikina na Vipers.

Indi mikino ya 1/4 iteganyijwe ku munsi wo ku wa Mbere aho ikipe ya Rayon Sports ihagarariye u Rwanda izakina na Azam FC, mu gihe Singida United izakina na JKU.

07/Jul/ 2018,1 week ago |

Post Your Comment

Comments(0)
Sponsored Content