U Bwongereza na Croatia zisanze u Bubiligi n'u Bufaransa muri 1/2 cy'igikombe cy'Isi | eachamps rwanda
Airtel ad Eachamps

U Bwongereza na Croatia zisanze u Bubiligi n'u Bufaransa muri 1/2 cy'igikombe cy'Isi

U Bwongereza na Croatia zisanze u Bubiligi n'u Bufaransa muri 1/2 cy'igikombe cy'Isi

Imikino ya 1/4 mu gikombe cy'Isi cy'iri kubera mu Burusiya, kuri uyu wa Gatandatu yashyizweho akadomo maze u Bwongereza busezerera Sweden ni mu gihe Croatia yasezereye u Burusiya bwakiriye iri rushanwa, aya makipe akaba yahise asanga u Bubiligi n'u Bufaransa zo zagezeyo ku munsi w'ejo hashize.

Umukino wabanje ni uwahuje u Bwongereza na Sweden ku isaha ya saa 16:00', ukaba waje kurangira ku ntsinzi y'u Bwongereza y'ibitego 2-0.

Igitego cya Harry Maguire cyo ku munota wa 30 ndetse n'icya Deli Ali ku munota wa 59 nibyo byafashije ikipe y'igihugu y'u Bwongereza gusezerera Sweden bahita bagera muri 1/2.

Ku isaha ya saa 20:00' hari hatahiwe u Burusiya bwakiriye iri rushanwa ndetse na Croatia, ibintu ntibyaje guhira u Burusiya kuko bwaje gusezererwa butabashije kugera muri 1/2.

Ni umukino utari woroshye dore ko n'ubwo Croatia yatangiye isatira ariko u Burusiya nibwo bwabanje gufungura amazamu ku munota wa 30 igitego cyatsinzwe na Cheryshev.

Croatia yakomeje gusatira ishaka kwishyura iki gitego ariko biza kubahira ku munota wa 39 ubwo Kramaric yaje kubishyurira ndetse n'umukino uza kurangira nta zindi mpinduka zibaye. Ibi byari bivuze ko hagomba kwitabazwa iminota 30 y'inyongera.

Ku munota w'101 ni bwo Vorluka yatsindiye Croatia igitego cya kabiri, ibi byishimo ntibyamaze kabiri kuko ku munota w'105 Fernandes yishyuriye u Burusiya biba 2-2, iminota 120 yaje kurangira nta kindi gitego cyinjiye maze amakipe ajya mi gutera penaliti Croatia yinjiza 4 kuri 3 z'u Burusiya, Croatia iba igeze muri 1/2 aho izahura n'u Bwongereza.

Imikino ya 1/2 iteganyijwe guhera tariki ya 10 Nyakanaga aho u Bufaransa buzakina n'u Bubiligi, undi mukino wa 1/2 uzaba tariki ya 11 Nyakanaga, u Bwongereza bukina na Croatia.

08/Jul/ 2018,2 months ago |

Post Your Comment

Comments(0)
Sponsored Content
Loading...