U Bufaransa busezereye u Bubiligi bugera kuri Final y'igikombe cy'Isi | eachamps rwanda
Airtel ad Eachamps
Primus Eachamps Ad

U Bufaransa busezereye u Bubiligi bugera kuri Final y'igikombe cy'Isi

U Bufaransa busezereye u Bubiligi bugera kuri Final y'igikombe cy'Isi

Igitego kimwe rukumbi cyatsinzwe na Samuel Umtiti nicyo kibashije guhesha itike ikipe y'igihugu y'u Bufaransa yo kugera ku mukino wa nyuma w'igikombe cy'Isi isezereye u Bubiligi.

Wari umukino wa 1/2 w'igikombe cy'Isi kiri kubera mu gihugu cy'u Burusiya aho u Bufaransa bubashije gusezerera u Bubiligi ku ntsinzi y'igitego kimwe ku busa.

Mu gice cya mbere cy'umukino amakipe yagiye arema uburyo bw'ibitego ariko ntibahirwa ku mpande zombi dore ko nka Eden Hazard aba yafashije igihugu cye gusoza igice cya mbere bayoboye ariko umunyezamu Loris akamubera ibamba.

Ku ruhande rw'u Bufaransa kandi Olivier Giroud na we aba yabonye igitego ariko ntibyamuhira byatumye amakipe yombi ajya kuruhuka ari 0-0.

Ku munota wa 51 ni bwo Umtiti yaboneye u Bufaransa igitego cy'umutwe cyaje no kurangiza umukino hari ku mupira wari uvuye muri koruneri.

U Bubiligi bwashatse uburyo bwishyura iki gitego, abasore nka Lukaku, De Brune, Hazard bakora ibishoboka byose ariko biranga ahanini bagiye bagorwa n'umunyezamu Loris. Abasore b'u Bufaransa na bo bakomeje gushaka igitego cya kabiri ariko Courtois agenda aburizamo amahirwe abasore nka Torisso, Greizman, Giroud na Mbappe bagiye babona.

Umukino waje kurangira ari 1-0. Ibi byari bivuze ko ikipe y'igihugu y'u Bufaransa igeze ku mukino wa nyuma w'igikombe cy'Isi cya 2018 aho izahura n'ikipe izatsinda ku munsi w'ejo hagati y'u Bwongereza na Croatia.

10/Jul/ 2018,6 days ago |

Post Your Comment

Comments(1)
Rukundo Schadrack
Nibyiza Kubu Franca Kuba Bugiye Kuri Final Gusa Nge Ntamagambo Nabuvugako Menshi Kubera I Team Yanje Yavuyemwo Portugal.
Sponsored Content