Volleyball: Imikino Carre d’As yari iteganyijwe mu mpera z’iki cyumweru yimuwe | eachamps rwanda
Airtel ad Eachamps

Volleyball: Imikino Carre d’As yari iteganyijwe mu mpera z’iki cyumweru yimuwe

Volleyball: Imikino Carre d’As yari iteganyijwe mu mpera z’iki cyumweru yimuwe

Irushanwa risoza umwaka w’imikino mu mukino wa Volleyball rizwi nka ‘Carre d’As’ ryagombaga gutangira mu mpera z’iki cyumweru ryimuriwe tariki ya 21 Nyakanga 2018 bitewe n’uko hari ibyo umuterankunga w’irushanwa ndetse na federasiyo hari ibyo bataranoza neza.

Ni rushanwa rihuza amakipe yabaye ane ya mbere muri shampiyona ya Volleyball yaba mu bagabo n’abagore aho amakipe akina hagati ya yo(mu bagabo n’abagore) ubundi 2 ya mbere akaba ari yo agera ku mukino wa nyuma.

Byari biteaganyijwe ko iri rushanwa rizakinwa tariki ya 14 na 15 Nyakanga 2018 ariko bitewe n’uko umuterankunga w’iri rushanwa ari we SORAS akiganira na federasiyo ya Volleyball bahisemo ko rizakinwa tariki ya 21 na 22 Nyakanga 2018.

Amakipe azarikina, mu bagabo ni Gisigara yegukanye shampiyona, REG yabaye iya 2, UTB yabaye iya 3 na APR yabaye iya 4.

Mu bagore ni; RRA yegukanye shampiyona, APR yabaye iya 2, KVC yabaye iya 3 na Ruhagongo yabaye iya 4.

Carre d’As ya 2017  mu bagabo yari yegukanywe na Kirehe VC ni mu gihe mu bagore igikombe cyegukanywe na APR VC.

11/Jul/ 2018,4 months ago |

Post Your Comment

Comments(0)
Sponsored Content
Loading...