Alpha Rwirangira yanenze Khalfan, amusaba kujya atekereza mbere yo kuvuga | eachamps rwanda
Airtel ad Eachamps

Alpha Rwirangira yanenze Khalfan, amusaba kujya atekereza mbere yo kuvuga

Alpha Rwirangira yanenze Khalfan, amusaba kujya atekereza mbere yo kuvuga

Umuhanzi w’umunyarwanda ukorera umuziki muri Leta Zunze Ubumwe z’Amerika yanenza umuraperi Khalfan uherutse gutangaza uruganda rw’umuziki nta kigenda kuko hari abahanzi bashyirwa imbere nta buhanga buhanitse bafite bakaba baranananiwe kumenyekanisha byibuze no mu karere.

Kuwa Gatandatu w’icyumweru gishize ubwo habaga igitaramo cyasoje irushanwa rya Primus Guma Guma Super Star 8, umuhanzi Khalfan aganira n’umunyamakuru Phil Peter yavuze uruganda rw’umuziki wo mu Rwanda ruri ku rwego rwa hafi cyane ‘fake’ kuko abaririmba ari bo hababwa umwanya cyane kandi batarusha abakora injyana ya Hip Hop, nyamara nabo bakaba batarenga umutaru ngo bamenyekane byibuze ku rwego rw’Akarere k’Afurika y’Uburasirazuba.

Yagize ati “ Uruganda rw’umuziki mu Rwanda ni ‘fake’, ndambiwe umuhanzi nyarwanda uza akamamara ngo kubera ijwi, akaba yahagarara imbere y’abantu akaririmba, niba ari ba Meddy cyangwa se ba The Ben gutyo, kuki se tutatekereza ibintu birenze?

Yunzemo ati “kuki nta muhanzi uraheka u Rwanda ngo tumubone kuri East Africa? Kandi bamamaye mbere ya Diamond. None se niba baramamaye mbere ya Diamond bari hehe se?

Ubwo uyu munyamakuru yasaba ibitekerezo abamukurikira kuri Instagram ku magambo yatangajwe na Khalfan, umwe mu bagize icyo babivugaho ni Alpha Rwirangira, umwe mu bahanzi b’abahanga u Rwanda rufite dore ko yanegukanye irushanwa rya Tusker Project Fame ryaberaga muri Kenya.

Alpha Rwirangira yagaragaje ko atishimiye amagambo yatangajwe na Khalfan wasabeje uruganda rw’umuziki abantu batandukanye bahereye kera bavunikira, avuga ko ari ukugaragaza ukudakura.

Yagize ati “Ikintu kimwe dukwiye twese kumva, kandi tukiga ni uko mu gihe umuntu yita ibyacu twavunikiye igihe kirekire ‘fake’, mbibona nko kudakura mu ruganda rw’umuziki wacu, umuntu akwiye kwisuzuma, agakura, akamenya icyo ashaka, nta muntu uzakwizera nutiyizera ubwawe.”

Yakomeje asaba Khalfan n’abandi batekereza nkawe, kujya babanza bagakaraga ururimi mu kanywa mbere yo kugira icyo bavuga ndetse bagashaka abajyana babafasha muri uru rugendo.

Yagize ati “reka twige guhitamo icyo kuvuga  n’icyo kutavuga. Icya nyuma cy’ingenzi reka dushake abajyanama nyabo tububahe kandi twizere inama batugira.”

Si Alpha Rwirangira wenyine wagaragaje ko atishimiye ibyatangajwe na Khalfan aho bamwe bemeje ko nadaca bugufi, impamba ye itazamurenza ku Ruyenzi.

Ubwo irushanwa rya Primus Guma Guma Super 8 ryari rigeze i Rubavu, Khalfan nabwo yavuze amagambo yafashwe nk’ubwishongozi, aho yatangaje ko ari we mwami w’injyana ya Hip Hop mu Rwanda, abandi bose banagiye bamufasha mu kuzamuka baza inyuma ye.

20/Jul/ 2018,2 months ago |

Post Your Comment

Comments(4)
niyo
khalfan ko ntacyo uricyo koko ko urumwana muri muzika nyaRwanda ushaka kugaragaza ko uriumwana no mumutwe koko abo ba the ben,meddy,alpha rwirangira ko tubizi ko bari mubakoze cyane kugira ngo umuziki nyaRwanda ugere aho ugeze wowe wakoze iki kigaragaze maze ujye wabona kuvuga shn nuzajya ujya kuvuga koko ujye ubanza utekereze kuko warahubutse rwose!!
dady
alpha arakoze ibyo birumvikana
dik zho
yavuze ukuri kd kuryabenshi birazwirnkhalifanrnntabeshya
Bob
Ukuri kuraryana nonese koko niba bakora music nibatwereke ibikorwa ,usanga umuntu amaze almost 10years akora music Abanyarwanda tumukunda knd atwereka ko abishoboye ,ariyo twe uyumunsi icyo tumukeneyeho nukutunemenyekanisha Nka Rwandan Music haba mukarere nahandi naho ubundi muzigumira kwibera abastar iwanyu.
Sponsored Content
Loading...