Umusore yitendetse kuri se wa Diamond avuga ko ari umwana we | eachamps rwanda
Airtel ad Eachamps

Umusore yitendetse kuri se wa Diamond avuga ko ari umwana we

Umusore yitendetse kuri se wa Diamond avuga ko ari umwana we

Umusore wamenyakanye ku izina rya Emmanuel arashinja ise wa Diamond Platnumz kuba yaramubyaranye n’undi mugore ariko akaba yaramutereranye.

Ikinyamakuru Global Publishers dukesha iyi nkuru, cyanditse ko umusore witwa Godfrey yakiriye Emmanuel kuwa gatanu w’icyumweru gishize, amuganyira ko ashonje, yamara kumugurira ibyo kurya agahita amusaba ko yamuhuza na se wa Diamond Platnumz (Abdul Jumaa).

Uyu musore ngo yabwiye Godfrey ko Abdul Jumaa ari we se ariko akaba yaramwihakanye, akaba ari yo mpamvu yaturutse ahitwa Kigoma akajya mu mujyi wa Dar es Salaam kumushaka.

Umubyeyi wa Diamond yavuze ko uyu musore yaje iwe ariko ahakana ko ari umwana we, ahubwo ko ari ubutekamutwe bwo kugira ngo abashe kubahuza na Diamond Platnumz.

Uyu musaza kandi yavuze ko impamvu uyu musore ateka imitwe, ari uko yanamubajije izina rya se, yarivuga agasanga ritandukanye n’irye.

Emmanuel ntiyagenzwaga na kamwe kuko ngo yahawe icumbi kwa se wa Diamond, agacunga igicuku kinishye akajya kwiba ibirahuri by’imodoka z’abaturanyi, ku bw’amahirwe ye make akaza gufatwa.

Ngo si ubwa mbere haje abana b’abasore bavuga ko ari abavandimwe ba Diamond Platnumz kandi babeshya. Bahitamo kunyura kuri se wa Diamond kuko batinya nyina ugira amahane.

Abdul Jumaa amaze imyaka irenga 20 yaratandukanye n’umugore we Sandra Sanura Kasimu babyaranye abana batandukanye barimo na Diamond Platnumz. Uyu musaza yahakanye yivuye inyuma ko nta wundi mwana yigeze abyara hanze.

07/Aug/ 2018,2 months ago |

Post Your Comment

Comments(0)
Sponsored Content
Loading...