Basketball: Patriots BBC yatsinze REG yegukana igikombe cya playoffs, mu bagore gitaha mu Magepfo | eachamps rwanda
Airtel ad Eachamps

Basketball: Patriots BBC yatsinze REG yegukana igikombe cya playoffs, mu bagore gitaha mu Magepfo

Basketball: Patriots BBC yatsinze REG yegukana igikombe cya playoffs, mu bagore gitaha mu Magepfo

Ku wa Gatanu tariki ya 10 Kanama 2018 ni bwo hakinwaga imikino ya kamarampaka mu irushanwa risoza shampiyona ya Basketball rizwi nka 'Playoffs', ni nyuma y'uko amakipe yose yageze ku mukino wa nyuma imikino isanzwe itigeze iyakiranura, mu bakobwa cyegukanywe na IPRC South naho mu bagabo cyegukanwa na Patriots.

Mu bakobwa IPRC South na APR WBC nizo zageze ku mukino wa nyuma ni mu gihe mu bagabo ari Patriots na REG. Ubusanzwe ikipe igomba kwegukana iki gikombe bisaba ko iba yaratsinze imikino 3 muri itanu iba iteganyijwe, iyo byanze amakipe akanganya hitabazwa undi umukino wa kamarampaka ugomba gusiga hamenyekanye ikipe yegukane iki gikombe.

Umukino wa gatanu waraye ukinwe kuri uyu wa Gatanu. Habanje uwa bakobwa maze ikipe ya IPRC South yegukana igikombe itsinze APR  amanota 70-47.

APR muri uyu mukino niyo yasoje agace ka mbere iyoboye n'amanota 15 kuri 11 ya IPRC South, agace ka kabiri kaje kurangira IPRC yaje imbere n'amanota 33 kuri 28, agace ka gatatu karangiye IPRC ifite 51 kuri 41 ya APR, agace ka kane cyangwa se umukino wose waje kurangira ku manota 70 ya IPRC South kuri 47 ya APR WBC. Ibi bivuze ko IPRC South yegukanye igikombe cya Playoffs itsinze APR WBC ku mikino 3-2.

Ku isaha ya saa 20:00' hahise hakurikiraho umukino karundura wari utegerejwe na benshi wa REG na Patriots, ni umukino warimo ihangana n'ishyaka ryinshi cyane ku mpande zombi.

Agace ka mbere kaje kurangira REG iri mbere n'amanota 20 lkuri 16 ya Patriots, n'agace ka kabiri REG yari ikiyoboye n'amanota 34 kuri 31, ku gace ka gatatu Patriots yaje kwigaranzura REG maze karangirira iri imbere n'amanota 49 kuri 47 ya REG.

Umukino waje kurangira ikipe ya Patriots itsinze REG amanota 68 kuri 57 ihita inegukana igikombe itsinze REG imikino 3-2. Patriots yegukanye iki gikombe mu gihe umwaka ushize na bwo ari yo yari yacyegukanye itsinze REG .

11/Aug/ 2018,6 days ago |

Post Your Comment

Comments(0)
Sponsored Content