Amavubi y'abatarengeje imyaka 17 akomeje kwitwara neza mu majonjora y'igikombe cy'Afurika | eachamps rwanda
Airtel ad Eachamps

Amavubi y'abatarengeje imyaka 17 akomeje kwitwara neza mu majonjora y'igikombe cy'Afurika

Amavubi y'abatarengeje imyaka 17 akomeje kwitwara neza mu majonjora y'igikombe cy'Afurika

Ikipe y'igihugu y'u Rwanda y'abatarengeje imyaka 17 ikomeje kwitwara neza mu majonjora yo gushaka itike y'igikombe cy'Afurika arimo kubera muri Tanzania aho rumaze gutsinda imikino ibiri ibanza.

Nyuma yo gutsinda igihugu cya Sudani ibitego 3-1 mu mukino ufungura irushanwa, kuri uyu wa Mbere u Rwanda rwatsinze umukino wa kabiri aho bari bahuye n'u Burundi.

Ikipe y'u Rwanda ikaba ari yo yinjiye mu mukino mbere aho ku munota wa 23 gitsinzwe na Nyarugabo Moise ariko ibi byishimo ntibyamaze kabiri kuko ku munota wa 27 Arsene Iradukunda yishyuriye u Burundi.

U Rwanda rwakomeje gusatira maze ku munota 43 Isingizwe Rodrigue atsinda igitego cya 2 hari mbere y'uko ku munota wa 44 Keddy Nsanzimfura atsinda igitego cya 3. Amakipe yombi yaje kujya kuruhuka ari 3-1.

Nyarugabo Moise yaje gutsinda igitego cya 4 kikaba n'igitego cye cya gatatu muri iri rushanwa.

Aha ingimbi z'u Rwanda zikaba zari zatangiye gutekereza ko ahari ibintu byarangiye, gusa byaje gusubira irudubi ku munota wa 60 ubwo Munaba Edson yatsindaga igitego cya 2 ndetse na 67 Iratanga Flavier agatsinda icya 3.

Imibare yabaye myinshi kuko byashobokaga ko n'ikindi bakishyurwa dore ko ku munota wa 77 Ishimwe Jean yabonaga ikarita y'umuhondo ya kabiri agahita ahabwa umutuku akava mu kibuga.

Abanyarwanda bakomeje kwirwanaho kugeza umukino urangiye nta kindi gitego binjijwe bakura amanota 3 ku Burundi gutyo.

Nyuma y'uko Somalia yikuye mu irushanwa, U Rwanda ruzongera gukina ku wa Gatatu ruszoa imikino y'amatsinda Tanzania yakiriye iri jonjora.

Twabibutsa ko ikipe izaba iya mbere ndetse mu itsinda rya mbere ndetse n'irya kabiri zizahurira ku mukino wa nyuma maze itsinze ibe ari yo ibona itike y'igikombe cy'Afurika cy'abatarengeje imyaka 17 kizaba umwaka utaha kikabera mu gihugu cya Tanzania.

13/Aug/ 2018,1 month ago |

Post Your Comment

Comments(0)
Sponsored Content
Loading...