Bakame ku rutonde rw'abakinnyi 28 Rayon Sports izakoresha umwaka w'imikino wa 2018/2019 | eachamps rwanda
Airtel ad Eachamps

Bakame ku rutonde rw'abakinnyi 28 Rayon Sports izakoresha umwaka w'imikino wa 2018/2019

Bakame ku rutonde rw'abakinnyi 28 Rayon Sports izakoresha umwaka w'imikino wa 2018/2019

Ikipe ya Rayon Sports yamaze gushyikiriza ishyirahamwe ry'umupira w'amaguru mu Rwanda urutonde izifashisha mu mwaka w'imikino wa 2018/2019 aho mu bakinnyi 28 izifashisha harimo na Ndayishimiye Eric Bakame wahagaritswe muri iyi kipe kugeza igihe kitazwi.

MurimKamena 2018 ni bwo iyi kipe yafashe umwanzuro wo guhagarika uyu munyezamu wari na kapiteni w'iyi kipe igihe kitazwi bitewe no kumushinja kuyigambanira.

Byanavuzwe ko uyu munyezamu ataba yahagaritswe ahubwo ko yirukanwe burundu, mu gitondo cyo kuri uyu wa Gatatu tariki ya 9 Ukwakira 2018 ubwo Rayon Sports yatangaga urutonde rw'abakinnyi izifashisha muri shampiyona hagaragayemo n'uyu munyezamu ko azifashishwa.

Mu bakinnyi bashya iyi kipe yaguze batayikiniye umwaka ushize w'imikino hariho Donkor Prosper wavuye muri Ghana, umunyezamu Bashunga Abouba wafatiraga ikipe ya Bandari FC yo muri Kenya ariko aba bakaba bari bamaze iminsi bafasha iyi kipe mu mikino nyafurika.

Abandi harimo umunyezamu Mazimpaka Andre na Mudeyi Suleiman bavuye muri Musanze FC, Habimana Hussein wavuye muri Police FC, Bukuru Christophe wavuye muri Mukura VS, Saropong Michael wavuye muri Ghana, Iradukunda Eric Radu wavuye muri AS Kigali, Tumushime Altijan wavuye mu bato b'iyi kipe ndetse na Kakule Mugheni Fabrice wavuye muri Kiyovu Sports.

Uru rutonde kandi ntirugaragaraho Tuyishime Eric Congolais iyi kipe yatangaje mu minsi ishize ko yaguze, akaba umwaka ushize yarakiniraga APR FC.

Rayon SPorts izatangira shampiyona tariki ya 20 Ukwakira 2018 ihura na Etincelles umukino ukaba uzabera i Rubavu kuri Stade Umuganda.

Urutonde rwose rw'abakinnyi 28 Rayon Sports izifashisha muri shampiyona umwaka w'imikino 2018/2019

09/Oct/ 2018,1 week ago |

Post Your Comment

Comments(1)
itanga
abayobozi ba rayon birengagije icyaha bakame yakoze cyo kugumura abakinnyi ari capitaine
Sponsored Content
Loading...