Mbere yo kugaruka mu mujyi wa Kigali ikipe ya APR FC yatsinze Etincelles | eachamps rwanda
Airtel ad Eachamps

Mbere yo kugaruka mu mujyi wa Kigali ikipe ya APR FC yatsinze Etincelles

Mbere yo kugaruka mu mujyi wa Kigali ikipe ya APR FC yatsinze Etincelles

Umukino wa gishuti wahuzaga ikipe ya APR FC na Etincelles kuri Satde Umuganda i Rubavu, warangiye ku ntsinzi y’ikipe ya APR FC y’ibitego 3-0.

Nyuma y’umukino w’ikombe cya Super Cup wahuje ikipe ya APR FC na Mukura VS mu karere ka Rubavu, ikipe ya APR FC yagumye i Rubavu ihakorera umwiherero w’iminsi 4 warangiye kuri uyu wa Gatatu bakina umukino wa gishuti na Etincelles.

Uyu mukino wa gishuti ikipe ya APR FC yawukinnye na Etincelles mu gitondo cyo kuri uyu wa Gatatu ku isaha ya saa 10:00’.

Urebye abakinnyi ikipe ya APR FC yabanje mu kibuga kuri uyu mukino ni bamwe bari bamaze iminsi badakoreshwa nk’umunyezamu Ntaribi Steven, Ngabo Albert, Denis Rukundo, Sekamana Maxime ndetse na Sugira Ernest umaze igihe kinini mu mvune.

Etincelles yatakaje umutoza Ruremesha Emmanuel wayifashije kuza mu makipe 4 ya mbere umwaka w’imikino wa 2017/2018, ubu yaragijwe Baraka Hussein warusanzwe ari umutoza mungirije, yarimo agenda agerageza abakinnyi be mu rwego rwo kwitegura shampiyona umwaka w’imikino wa 2018/2019 batangira tariki ya 20 Ukwakira 2018 bakira ikipe ya Rayon Sports.

Uyu mukino waje kurangira ari ibitego 3 bya APR FC ku busa bwa Etincelles, igitego cya mbere cyatsinzwe na Buregeya Prince ku munota wa 21, igitego cya kabiri gitsindwa ku munota wa 65 na Byiringiro Lague winjiye mu kibuga asimbuye Issa Bigirimana ni mu gihe igitego cya 3 cyatsinzwe na Nsengiyumva Mustapha ku munota wa 80.

Sugira Ernest akaba kuri uyu munsi yahawe iminota 35 aho yaje guhita asimburwa na Mugunga Yves.

Ikipe ya APR FC ikaba iri buhite igaruka i Kigali kuri uyu wa Gatatu aho ije gukomereza imyitozo yo kwitegura shampiyona umwaka w’imikino wa 2018/2019 izatangira tariki ya 19 Ukwakira 2018 yakira ikipe y’Amagaju.

10/Oct/ 2018,2 months ago |

Post Your Comment

Comments(0)
Sponsored Content
Loading...