Emery Mvuyekure ku rutonde rw'abakinnyi AS Kigali izifashisha mu mwaka mushya w'imikino | eachamps rwanda
Airtel ad Eachamps

Emery Mvuyekure ku rutonde rw'abakinnyi AS Kigali izifashisha mu mwaka mushya w'imikino

Emery Mvuyekure ku rutonde rw'abakinnyi AS Kigali izifashisha mu mwaka mushya w'imikino

Umunyezamu Emery Mvuyekure wasoje amasezerano mu ikipe ya APR FC ntiyongererwe kuri ubu ashobora kwerekeza muri AS Kigali yahozemo kuko yanamushyize ku rutonde rw'abakinnyi iyi kipe izifashisha, gusa we avuga ko batarumvikana neza.

Mu minsi ishize nibwo uyu munyezamu yabwiye Eachamps ko  nyuma yo gutandukana na APR FC, ataramenya aho azerekeza gusa ngo yari yaraganiriye na Rayon Sports barumvikana ategereje ko bashyira mu bikorwa ibyo bumvikanye birangira iyi kipe itabikoze kugeza ubu yanatanze urutonde rw'abakinnyi izifashisha umwaka utaha atariho.

Mu gitondo cyo kuri uyu wa Kane ni bwo hagaragaye urutonde rw'abakinnyi 29 ruteyeho kashe ya AS Kigali,  ivuga ko ari bo izifashisha mu mwaka w'imikino wa 2018/2019 (ni rwo iri butange muri FERWAFA), hagaragayeho n'umunyezamu Emery Mvuyekure waherukaga muri iyi kipe muri 2014.

Aganira na Eachamps, Emery Mvuyekure yavuze ko atarasinyira AS Kigali ko bakiri mu biganiro, kumushyira ku rutonde ngo ni by'agateganyo.

Yagize ati"ntabwo ndasinyira AS Kigali kuko turacyari mu biganiro, biriya ni agateganyo kugira ngo ibiganiro bigenze neza bitazagorana, ku bwanjye numva nshaka kubasinyira umwaka umwe."

Aramutse yerekeje muri AS Kigali yaba ayisubiyemo kuko yayiherukagamo muri 2014 aho yavuye ahita yerekeza muri Police FC mu mwaka w'imikino wa 2014/2015 akayikinira imyaka ibiri mbere y'uko muri 2016 yerekeza muri APR FC nayo amazemo imyaka ibiri.Urutonde AS Kigali izifashisha muri shampiyona 

11/Oct/ 2018,2 months ago |

Post Your Comment

Comments(0)
Sponsored Content
Loading...