Uwari umutoza wungirije wa Rayon Sports yatandukanye na yo, Robertinho yungirizwa na Mwiseneza Djamal | eachamps rwanda
Airtel ad Eachamps

Uwari umutoza wungirije wa Rayon Sports yatandukanye na yo, Robertinho yungirizwa na Mwiseneza Djamal

Uwari umutoza wungirije wa Rayon Sports yatandukanye na yo, Robertinho yungirizwa na Mwiseneza Djamal

Gatera Moussa wari umutoza wungirije mu ikipe ya Rayon Sports biravugwa ko yamaze kwirukanwa kuri iyi mirimo aho uwari umukinnyi w'iyi kipe, Mwiseneza Djamal ari we wagizwe umutoza wungirije.

Tariki ya 25 Kamena 2018 ni bwo Gatera Moussa watozaga ikipe ya Unity FC mu cyiciro cya kabiri yatangajwe nk'umutoza wungirije wa Rayon Sports aho yari asimbuye Jeannot Witakenge wirukanywe kuri iyi mirimo.

Uyu mutoza nta masezerano y'igihe runaka yahawe muri Rayon Sports gusa nk'uko yari yabitangarije Eachamps bumvikanye ko uko azitwara mu mikino ya CECAFA Kagame Cup yabereye muri Tanzania ndetse n'indi mikino iyo kipe yari isigaje kugira ngo iyi kipe isoze umwaka w'imikino wa 2017/2018 ari byo bishobora kuzamuhesha amasezerano y'igihe kirekire.

Amakuru yizewe agera kuri Eachamps yahawe n’umwe mu bakinnyi nawe uvuga ko ayakesha umwe mu bayobozi b'iyi kipe ngo nuko Gatare Moussa atakiri umutoza wabo, yamusimbujee Mwiseneza Djamal wari umukinnyi muri iyi kipe.

Ubwo twandikaga iyi nkuru twagerageje kuvugana n’ubuyobozi bw’iyi kipe ntibyabakundira kuko perezida wayo Paul Muvunyi ndetse n'umunyamabanga Itangishaka Bernard batitabaga telefoni.

Mwiseneza Djamal yavutse mu 1992, yakuriye mu bato ba Rayon Sports yakinnyemo imyaka ibiri (2005 na 2006), muri 2007 yazamutse mu ikipe nkuru maze 2014 yerekeza muri APR FC aho yaje kuyivamo agaruka muri Rayon Sports mu mwaka wa 2017.

15/Oct/ 2018,1 month ago |

Post Your Comment

Comments(1)
umurayon
Djamal afite 26ans?
Sponsored Content
Loading...