Mu mwambaro mushya, Meya yamaze kubona itandukaniro rya Rayon Sports na Sunrise | eachamps rwanda
Airtel ad Eachamps

Mu mwambaro mushya, Meya yamaze kubona itandukaniro rya Rayon Sports na Sunrise

Mu mwambaro mushya,  Meya yamaze kubona itandukaniro rya Rayon Sports na Sunrise

Myugariro w’ikipe ya Sunrise wahoze akinira ikipe ya Rayon Sports, Nzayisenga Jean d’Amour uzwi nka Meya avuga ko Sunrise arimo akinira ari ikipe nziza ariko na none ko atayigereranya na Rayon Sports kuko yo ari ikipe ishaka ibikombe naho Sunrise ikaba ikirimo kwishakisha ngo nayo izamuke igere ku rwego rwo hejuru.

Uyu musore wakiniye Rayon Sports imyaka itatu ishize, mbere y’uko umwaka w’imikino wa 2018/2019 utangira yahise asinyira ikipe ya Sunrise yo mu Burasirzuba bw’u Rwanda.

Uyu musore ntiyahiriwe n’umukino utangira utangira shampiyona kuko batangiye batsindwa na Mukura igitego kimwe ku busa umukino yakinnye iminota 90 yose.

Aganira na Eachamps uyu musore yavuze ko ameze neza cyane Nyagatare aho iyi kipe ibarizwa kandi ko biteguye guhangana.

Yagize ati”Ubu ibintu bimeze neza n’ubwo byabanje kungora ariko ubu  ubuzima bwa Nyagatare maze kubumenyera,  ikipe ni nziza y’urungano, umutoza ni mwiza nta kibazo na kimwe n’ubuyobozi ni bwiza ubu tumeze neza.”

Avuga ku itandukaniro kuri Rayon Sports yahozemo ndetse na Sunrise arimo yavuze ko yose ari amakipe meza ariko na none Rayon Sports yo iri ku rundi rwego.

Yagize ati”Byonyine n’amazina birumvikana gusa yose n’amakipe meza. Rayon Sports ni kipe iyo iguze umukinnyi aba ari umukinnyi uba waje guhatanira igikombe Sunrise nayo n’ikipe nziza irimo guhatana ngo irebe ko yagira izina rikomeye nk’ayandi makipe ari hejuru, urumva rero ko no ku ntego zayo zitandukanye.”

Uyu mukinnyi wakuriye mu Isonga akaza guca muri Rayon Sports ubu akaba ari muri Sunrise avuga ko intego yabo muri uyu mwaka w’imikino ari ukuza mu makipe 5 ya mbere muri 16 akina muri shampiyona y’icyiciro cya mbere mu Rwanda.

22/Oct/ 2018,3 weeks ago |

Post Your Comment

Comments(0)
Sponsored Content
Loading...