AMAFOTO: Luka Modric yegukanye Ballon d'Or ahigitse Cristiano Ronaldo na Messi | eachamps rwanda
Airtel ad Eachamps

AMAFOTO: Luka Modric yegukanye Ballon d'Or ahigitse Cristiano Ronaldo na Messi

AMAFOTO: Luka Modric yegukanye Ballon d'Or ahigitse Cristiano Ronaldo na Messi

Umunya Croatia ukina hagati mu kibuga mu ikipe ya Real Madrid, Luka Modric yegukanye Ballon d'Or 2018 itangwa na France Football hari nyuma y'imyaka igera ku icumi iki gihembo gitwarwa na Cristiano Ronaldo ndetse na Lionel Messi.

Luka Modric yegukanye iki gihembo nyuma yo gufasha ikipe ye ya Real Madrid kwegukana igikombe gihuza amakipe yabaye aya mbere ku mugabane w'u Burayi 'UEFA Champions League' muri Gicurasi 2018, uyu mugabo kandi yafashije ikipe y'igihugu cye kugera ku mukino wa nyuma w'igikombe cy'Isi cya 2018 cyabereye mu Burusiya.

Ibi byabaye kuri uyu wa Mbere ni njoro mu muhango wo gutanga ibihembo ku bakinnyi bahize abandi, igikorwa cyabereye muri Grand Palais i Paris, mu Bufaransa.

Luka Modric yegukanye iki gihembo nyuma y'uko muri Nzeri 2018 yari yahawe igihembo cy'umukinnyi mwiza w'umwaka gitangwa n'ishyirahamwe ry'umupira w'amaguru ku Isi FIFA.

Luka Modric akaba yahigitse Cristiano Ronaldo wabaye uwa kabiri, Antoine Greizman wa gatatu, Kylian Mbappe wa kane naho Lionel Messi aba uwa 5.

Kylian Mbappe muri uyu muhango yahembwe nk'umukinnyi ukiri muto wahize abandi.

Kuva muri 2008 iki gihembo cyari cyarihariwe n'umunya Portugal Cristiano Ronaldo ndetse n'umunya Argentine Lionel Messi aho muri 2008 Cristiano Ronaldo yakegukanye, kuva 2009 kugeza 2012 Messi aragitwara naho kuva 2013 na 2014Cristiano Ronaldo aragitwara, 2015 Messi aragitwara mbere y'uko 2016 na 2017 Cristiano acyisubiza none 2018 cyegukanywe na Luka Modric ukomoka muri Croatia.

Nyuma yo kwegukana Ballon d'Or ya FIFA yegukanye n'iya France Football

Ari kumwe n'umugorewe n'abana

Kylian Mbappe yegukanye igihembo cy'umukinnyi ukiri muto wahize abandi

Uko bakurikiranye

04/Dec/ 2018,2 weeks ago |

Post Your Comment

Comments(0)
Sponsored Content
Loading...