Volleyball: Imikino ya Play-Offs, UTB iresurana na Gisagara naho REG ikine na IPRC Ngoma | eachamps rwanda
Airtel ad Eachamps

Volleyball: Imikino ya Play-Offs, UTB iresurana na Gisagara naho REG ikine na IPRC Ngoma

Volleyball: Imikino ya Play-Offs, UTB iresurana na Gisagara naho REG ikine na IPRC Ngoma

Nyuma y'uko shampiyona mu mikino ya Volleyball umwaka w'imikino wa 2018-2019 isojwe REG VC iyoboye urutonde kuri ubu mu cyumweru gitaha haratangira imikino ya Play-Offs izagena ikipe izatwara igikombe, REG izahura na IPRC Ngoma, UTB yesurane na Gisagara.

Amakipe yabaye ane ya mbere muri shampiyona niyo yabonye itike y'imikino ya Play Offs akaba ari REG, UTB, Gisagara na IPRC Ngoma.

Iyi mikino ikaba izatangira tariki ya 15 Gashyantare 2018 muri Petit Stade guhera saa 17:30' REG ikina na IPRC Ngoma mu gihe saa 19:30' UTB izakina na Gisagara.

Umunsi wa kabiri w'iyi mikino uzakinwa tariki ya 9 Werurwe, I Ngoma, IPRC Ngoma izakira REG ku isaha ya saa 11:00' mu gihe saa 14:00' I Gisagara, Gisagara izaba yakiriye UTB.

Tariki ya 16 Werurwe UTB izongera yakire Gisagara naho REG yakire IPRC Ngoma imikino izabera muri Petit Stade. Amakipe abiri azaba yatsinze imikino yayo azahurira ku mukino wa nyuma naho andi ahatanire umwanya wa gatatu.

No ku mukino wa nyuma hakinwa imikino itatu aho ikipe igomba kwegukana igikombe cyangwa umwanya wa 3 izaba yatsnzemo imikino 2. Imikino ya nyuma izakinwa tariki ya 27 Mata, 4 na 11 Gicurasi 2019.

Tags

07/Feb/ 2019,2 months ago |

Post Your Comment

Comments(0)
Sponsored Content
Loading...

Recently Added