Impinduka ku ngengabihe y'imikino ya shampiyona isigaye | eachamps rwanda
Airtel ad Eachamps

Impinduka ku ngengabihe y'imikino ya shampiyona isigaye

Impinduka ku ngengabihe y'imikino ya shampiyona isigaye

Ishyirahamwe ry'umupira w'amaguru mu Rwanda 'FERWAFA', ryamaze gutangaza ko habayeho impinduka ku mikino ya shampiyona yari isigaye aho iyi shampiyona itagihagaze nyuma y'umunsi wa 20 uzakinwa kuri iki Cyumweru nk'uko byari biteganyijwe.

Bitewe na gahunda y'ikipe y'igihugu aho izakina umukino wa nyuma usoza Itsinda H na Cote d'Ivoire mu gushaka itike y'igikombe cy'Afurika cya 2019 mu karuhuko gatangwa na FIFA, byari biteganyijwe ko shampiyona yo mu Rwanda izahagarara guhera ejo ku Cyumweru hamaze gukinwa umunsi wa 20 ikazongera gusubukurwa tariki ya 4 Mata 2019.

Nk'uko bigaragara mu ibaruwa FERWAFA yandikiye amakipe yasinyweho n'umunyamabanga wa FERWAFA, ivuga ko shampiyona itagihagaze ko ahubwo izakomeza tariki ya 16-17 Werurwe hakinwa umuni wa 21 ndetse na 23-24 Werurwe hakinwa umunsi wa 22.

Ikomeza ivuga ko tariki ya 27 Werurwe kugeza 5 Mata ari igihe kizakinwamo ibirarane. Ibyo birarane harimo icya Mukura na APR FC, Kiyovu Sports na Rayon Sports kuko aya makipe abakinnyi bayo bazaba bari mu ikipe y'igihugu imikino izahinduka ibirarane.

Biteganyijwe ko kuri iyi ngengabihe nshyashya shampiyona izasozwa tariki ya 1 Kamena 2019 ni mu gihe kuyari isanzwe yari kuzasozwa tariki ya 8 Kamena 2019.

Ibaruwa FERWAFA yandikiye amakipe iyamensha impinduka

Ingengabihe y'imikino isigaye muri uyu mwaka w'imikino wa 2018-19

09/Mar/ 2019,2 weeks ago |

Post Your Comment

Comments(0)
Sponsored Content
Loading...