Nta gihindutse mu mpeshyi nderekeza mu cyiciro cya mbere mu Budage – Nirisarike Salomon | eachamps rwanda
Airtel ad Eachamps

Nta gihindutse mu mpeshyi nderekeza mu cyiciro cya mbere mu Budage – Nirisarike Salomon

Nta gihindutse mu mpeshyi nderekeza mu cyiciro cya mbere mu Budage – Nirisarike Salomon

Myugariro w’umunyarwanda uri ku mpera  z’amasezerano ye mu ikipe ya AFC Tubuze mu cyciro cya kabiri mu gihugu cy’u Bubiligi, Nirisarike Salomon nta gihindutse umwaka w’imikino wa 2019-2020 azaba akinira ikipe ya Fortuna Düsseldorf mu cyiciro cya mbere mu gihugu cy’u Budage.

Uyu mugabo avuga ko n’ubwo ikipe ye ya AFC Tubize arimo gusozamo amasezerano irimo kumwereka ko imukeneye cyane ariko byagorana ko yayongerera amasezerano cyane ko ibiganiro bigeze kure n’iyi kipe ya Fortuna ikina muri ya shampiyona ya Bundesliga.

Mu kiganiro yahaye Eachamps, Nirisarike Salomon yavuze ko yakabaye yaragiye muri iyi kipe mu kwa Mbere ariko ikipe ya Tubize yanga kumurekura.

Yagize ati”Mba naragiye mu kwezi kwa Mbere kwa 2019, kuko yanyeretse ko inkeneye cyane yaranamaze kuvugana n’abampagarariye ariko bitewe n’uko ikipe yanjye AFC Tubize yari inkeneye yanga kundekura.”

Yakomeje avuga ko nta gihindutse agomba kwerekeza muri iyi kipe ubwo azaba asoje amasezerano ye muri Gicurasi 2019.

Yagize ati”Yakomeje kuvugana n’abampagarariye nta gihindutse niho nzerekeza kuko njye twaravuganye numva ibyo nkeneye barabimpa nta kibazo kirimo, ubwo rero nzaba nsoje amasezerano numva ariho nzerekeza.”

Fortuna Düsseldorf kugeza uyu munsi muri shampiyona umwaka w’imikino wa 2018-2019 ubwo habura imikino igera ku 8 ngo isozwe iri ku mwanya wa 12 n’amanota 31 mu gihe 1. FC Nürnberg ari iya nyuma n’amanota 13, Honnover 96 ikaba iya 17 ibananziriza iya nyuma n’amanota 14 naho VfB Stuttgart ikaba iya 16 n’amanota 20, akaba ari nayo makipe 3 ari mu karongo k’umutuku arwana no kutamanuka.

Nirisarike Salomon yakiniye mu makipe atandukanye ku mugabane w’u Burayi nyuma yo kuva mu Isonga yo mu Rwanda ariyo, Royal Antwerp, Sint-Truidense na AFC Tubize zose zo mu Bubiligi.

22/Mar/ 2019,4 weeks ago |

Post Your Comment

Comments(1)
ndagijimana
kurajekabix
Sponsored Content
Loading...

Recently Added