Mohammed Salah yegukanye igihembo cy’umukinnyi mwiza w’umunyafurika ahigitse Mane na Aubameyang | eachamps rwanda
Airtel ad Eachamps

Mohammed Salah yegukanye igihembo cy’umukinnyi mwiza w’umunyafurika ahigitse Mane na Aubameyang

Mohammed Salah yegukanye igihembo cy’umukinnyi mwiza w’umunyafurika ahigitse Mane na Aubameyang

Rutahizamu w’umunya Misiri ukinira ikipe ya Liverpool yo mu Bwongereza, Mohammed Salah niwe ubaye umukinnyi mwiza w’umunyafurika wahize abandi mu mwaka wa 2018 aho ahigitse Sadio Mane bakinana muri Liverpool ndetse na Pierre Emerick Aubameyang wa Arsenal.

Ku mugoroba wo kuri uyu wa Kabiri tariki ya 8 Mutarama2018 nibwo habaye umuhango wo gutanga igihembo cy’umukinnyi mwiza wahize abandi w’umunyafurika mu mwaka wa 2018, abakinnyi batatu Umunyamisiri ukinira Liverpool ari we Mohammed Salah, Umunyagabon ukinira Arsenal ari we Pierre-Emerick Aubameyang ndetse n’Umunyasenegal ukinira Liverpool, Sadio Mane nibo bari bahanganiye iki gihembo.

Ikipe gihembo byaje kurangira Umunyamisiri ari we ucyegukanye ahigitse bagenzi bari bagihanganiye. Akaba acyegukanye ku nshuro ya kabiri yikurikiranya kuko n’umwaka ushize wa 2017 ari we wacyegukanye.

Salah yegukanye iki gihembo nyuma yo gutsindira Liverpool na Misiri ibitego 44 mu mwaka wa 2018, yabaye kandi umukinnyi watsinze ibitego byinshi muri shampiyona y’u Bwongereza umwaka w’imikino wa 2017-18.

Uretse iki gihembo kandi Chrestinah Thembi Kgatlana, Umunyafurikayepfo ukinira ikipe ya Houston Dash ni we wabaye umukinnyi w’umwaka mu bagore.

Achraf Hakim, ukomoka muri Maroc ukinira ikipe ya Borussia Dortmund niwe wabaye umukinnyi w’umwaka mu bakinnyi bakiri bato batanga icyizere.

Hervé Renard, Umufaransa utoza ikipe y’igihugu ya Maroc niwe mu mutoza w’umwaka, ni mu gihe umutoza w’umwaka mu bagore ari Umunyafurikayepfo unatoza ikipe y’igihugu y’abagore yaho, Desiree Ellis.

Ikipe y’igihugu ya Maurtania yatowe nk’ikipe y’umwaka(niyo kipe yitwaye neza) mu bagabo, mu gihe mu bagore hatowe ikipe y’igihugu ya Nigeria.

Dore 11 beza ba 2018 batowe

Umunyezamu: Denis Onyango(Uganda)

Ba myugariro: Serge Aurier(Ivory Cost), Eric Bailly(Ivory Cost), Mehdi Benatia(Maroc) na Kalidou Koulibaly(Senegal)

Abakina hagati: Riyad Mahrez(Algeria), Naby Keit(Guinea) na Thomas Partey(Ghana)

Ba rutahizamu: Mohammed Salah(Misiri), Pierre Emerick Aubameyang(Gabon) na Sadio Mane(Senegal)

Salah yabaye umukinnyi w'umwaka

Chrestinah Thembi Kgatlana niwe mukinnyi w'umwaka mu bagore

Ikipe y'umwaka

09/Jan/ 2019,5 months ago |

Post Your Comment

Comments(0)
Sponsored Content
Loading...