Kirehe FC yamaze kwirukana uwari umutoza mukuru wayo | eachamps rwanda
Airtel ad Eachamps

Kirehe FC yamaze kwirukana uwari umutoza mukuru wayo

Kirehe FC yamaze kwirukana uwari umutoza mukuru wayo

Ikipe ya Kirehe FC yamaze gufata umwanzuro wo gusezerera uwari umutoza mukuru w'iyi kipe, Kalisa Francois bitewe n'umusaruro utari mwiza w'uyu mutoza muri uyu mwaka w'imikino wa 2018-2019 ndetse akaba yahise ahabwa uburenganzira bwo kwishakira indi kipe.

Ku munsi w'ejo hashize tariki ya 5 Gashyantare nibwo iyi kipe ibarizwa Iburasirazuba mu karere ka Kirehe yandikiye Kalisa Francois imumenyesha ko atakiri umutoza mukuru wayo yasezerewe bitewe n'umusaruro we.

nk'uko bigaragara mu ibaruwa yasinyweho n'umuyobozi w'iyi kipe Christophe Munyangeri, yandikiye Kalisa Francois amumunyeshaka ko nyuma yo gusabwa ubusobanuro nk'umutoza mukuru butuma ikipe ititwara neza ntabutange, anakurikije zimwe mu ngingo z'iri mu masezerano ye, inama ya komite nyobozi y'ikipe ya Kirehe FC yabaye tariki ya 4 Gashyantare 2019 yafashe umwanzuro wo kumusezerera akaba atakiri umutoza w'iyi kipe.

Mu gice kibanza cya shampiyona umwaka w'imikino wa 2018-2018 ikipe ya Kirehe FC yagisoje iri ku mwanya wa 15 mu makipe 16 n'amanota 12 mu gihe APR FC ya mbere ifite 35.

Nyuma y'uko iyi kipe itandukanye n'uwahoze ari umutoza wayo Nduhirabandi Abdoul Karim 'Coka', muri Mata 2018 bahise basinyisha Kalisa Francois bamuha amasezerano y'umezi 6 mbere y'uko tariki ya 16 Kanama 2018 bamuha amasezerano y'imyaka ibiri.

Ibaruwa yandikiwe Kalisa Francois

06/Feb/ 2019,4 months ago |

Post Your Comment

Comments(0)
Sponsored Content
Loading...