Agahinda ka Jose Chameleone wangiwe gusura Bobi Wine uri mu buroko | eachamps rwanda
Airtel ad Eachamps

Agahinda ka Jose Chameleone wangiwe gusura Bobi Wine uri mu buroko

Agahinda ka Jose Chameleone wangiwe gusura Bobi Wine uri mu buroko

Umuhanzi Jose Chameleone ari mu gahinda gakomeye  nyuma yaho yangiwe n’inzego z’umutekano muri Uganda gusura umuhanzi mugenzi we akaba n’inshuti ye magara Bobi Wine.

Depite Robert Ssentamu Kyagulanyi [Bobi Wine] yatawe muri yombi ku wa Mbere ajya gufungirwa muri Gereza ya Luzira, ubusanzwe ifungirwamo abakoze ibyaha bikomeye cyane.

Ku wa 29 Mata 2019, nibwo Bobi Wine w’imyaka 37 yahamagajwe n’Ubugenzacyaha ahitwa Kibuli ngo akoreshwe inyandiko mvugo ku gitaramo yari yateguye mu buryo polisi ivuga ko butazwi ndetse ikaza no kugihagarika bigateza imvururu.

Uyu muhanzi ubifatanya na politiki ashinjwa gukoresha inama zitemewe bijyanye n’imyigaragambyo yakorewe mu mutuzo yitabiriwe n’ibihumbi by’urubyiruko, rutishimiye itegeko rishya ry’imisoro ku mbuga nkoranyambaga.

Ku wa 30 Mata 2019 nibwo abahanzi barimo Joseph Mayanja [Jose Chameleone] na Nubian Li baherekejwe na Depite Francis Zaake na mugenzi we Betty Nambooze bagiye gusura Bobi Wine ariko bangirwa kumubona.

Ku wa Gatatu Chameleone yanditse ku rukuta rwe rwa Facebook ko yatewe agahinda no kwangirwa kubona Bobi Wine ngo kuko nta burenganzira yari yahawe na Dr Johnson Byabasaija uhagarariye Amagereza muri Uganda.

Ati “Mu gitondo nagiye gusura umuvandimwe Bobi Wine muri gereza afungiwemo ya Luzira, ariko nabwiwe ko bitemewe kuko nta burenganzira nahawe n’ushinzwe iby’amagereza muri Uganda. Nagerageje kumvikana ariko biba iby’ubusa. Ubu ndi kugusengera muvandimwe. Komera nk’uko bisanzwe. Nshimiye buri wese wagerageje gusura umuvandimwe wacu.”

Urugendo rwa Chameleone rwaje nyuma y’amasaha make polisi iteye imyuka iryana mu maso mu baturage bigaragambyaga mu Mujyi wa Kampala bamagana itabwa muri yombi rya Bobi Wine.

Bobi Wine ahagarariye agace ka Kyadondo East yinjiye mu Nteko Ishinga Amategeko mu 2017; ni umwe mu banenga ubutegetsi bwa Museveni, ndetse anabinyuza mu bihangano bye avuga ko hakenewe ubw’abaturage, buzakuraho ingoyi y’igitugu.

Biteganyijwe ko umuhanzi akaba n’umudepite Bobi Wine ari bwitabe urukiko kuri uyu wa 2 Gicurasi 2019 yisobanura ku byaha aregwa birimo gutegura imyigaragambyo no kugumura abaturage.

Bangiwe kureba Bobi Wine aho afungiye

Ategerejwe mu rukiko kuri uyu wa 2 Gicurasi 2019

02/May/ 2019,1 month ago |

Post Your Comment

Comments(4)
https://goo.gl/maps/xDDZTHpzr9rTbnm77
I know this web page gives quality based posts and other information, is there any other website which gives these kinds of rnthings in quality? https://goo.gl/maps/xDDZTHpzr9rTbnm77
https://goo.gl/maps/xDDZTHpzr9rTbnm77
My brother suggested I might like this website. He rnwas totally right. This post truly made my day.rnrnYou can not imagine simply how much time I had spent for this info!rnThanks! https://goo.gl/maps/xDDZTHpzr9rTbnm77
bong99
I was wondering if you ever considered changing the structure of your blog?rnIts very well written; I love what youve got to say.rnBut maybe you could a little more in the way of content so rnpeople could connect with it better. Youve got rnan awful lot of text for only having one or 2 images.rnMaybe you could space it out better? https://goo.gl/maps/xDDZTHpzr9rTbnm77
https://goo.gl/maps/xDDZTHpzr9rTbnm77
Thanks for the auspicious writeup. It in reality used to be a entertainment account it.rnLook advanced to more delivered agreeable from you!rnBy the way, how could we keep up a correspondence? https://goo.gl/maps/xDDZTHpzr9rTbnm77
Sponsored Content
Loading...