Gaël Faye uheruka mu Rwanda yahishuye ko amaze iminsi arwaye Corona Virus ariko yakize | eachamps rwanda
Airtel ad Eachamps

Gaël Faye uheruka mu Rwanda yahishuye ko amaze iminsi arwaye Corona Virus ariko yakize

Gaël Faye uheruka mu Rwanda yahishuye ko amaze iminsi arwaye Corona Virus ariko yakize

Umuraperi akaba n’umwanditsi w’ibitabo w'umunyarwanda ufite ubwenegihugu bw'u Bufaransa ndetse n’Uburundi, Gaël Faye, yatangaje ko ibyumweru bibiri byabanjirije imurika rya filime “Petit Pays” mu bihugu bitandukanye yanduye icyorezo cya COVID-19.

Gael Faye Yanditse kuri konti ya Instagram ku gicamunsi cy’uyu wa kabiri tariki 31 Werurwe 2020, avuga ko yagize amahirwe akomeye kuko we atajyanwe mu bitaro nk’abandi bari kumwe mu ikipe yateguye igikorwa cyo kumurika iyi filime. 

Avuga ko yari amaze iminsi 15 mu kato kuzuye uburibwe. Ati “Nari maze iminsi 15 ndibwa umubiri wose, umutwe, mfite inkorora cyane cyane nta basha guhumeka neza.”

Yavuze ko tariki ya 30 Werurwe ari bwo yongeye guhura n’umuryango we.

Yashimye abaganga bamwitayeho asaba abafana be gukomeza kwiyitaho muri iki gihe Isi ahanganye n’icyorezo cya Covid-19. 

Ku wa 14 Werurwe 2020, Faye yasohoye itangazo avuga ko yasubitse gushyira ku isoko filime ‘Petit Pays’ nk’uko byari biteganyijwe ku wa 28 Werurwe ahubwo ko iki gikorwa kimuriwe ku wa 26 Kanama 2020.

Ati “Bitewe n’ibi bihe turimo, ubuyobozi bwa Jerico, Super8 na Pathe, bubabajwe no kubamenyesha ko itariki yo gushyira ku mugaragaro, Filime ya Eric Barbier “Petit Pays” yigijwe inyuma, aho izajya hanze kuwa 26 Kanama 2020.”

Ku wa 07 Werurwe 2020 nibwo Gaël Faye yamurikiye mu Rwanda bwa mbere filime Petit Pays (Agahugu Gato) mu muhango witabiriwe na Madamu Jeannette Kagame.

'Gael Faye aheruka mu Rwanda kumurika filime ye yise 'Petit Pays'

Tags

01/Apr/ 2020,6 months ago |
Post Your Comment
Sponsored Content